DON BABA' = Chi voddìri scasò? ntendi forsi diri chi spundò, picchì stravincìu? Spiramu chi non scasa davanti a tutti i probremi di stu nostru paisi.
GIUFA' = Iò penzu chi cia pò fari, basta cuminciari a picca a picca...
DON BABA' = Chi vo diri, Giufà, a picca a picca...forsi vo' diri gradatamenti.
GIUFA' = Comu diciti vui, chi capiti chiossài i mia. Iò vogghiu diri chi ci sunnu così chi s'avissiru a fari prima e iautri cosi poi. Pi prima cosa iò girassi nte strati e vaddassi tuttu u disoddini chi c'eni.
DON BABA' = Cà ti dugnu raggiuni, anzi raggiunissima.Tutti ddi cartazzi da pubbricità chi svulazzunu, tutta dda munnizza e l'irbazza chi nnarba strati e banchini, sunnu na virgogna....
GIUFA'= Iò, l'autra matina davanti o supemiccatu visti a unu ca ramazza chi scupava ntà na stradella. Pinzà subbitu chi finammenti aviunu misu i spazzini...
GIUFA' = Ma chi spazzini d'egittu, don Babà! Era sulu un carusu chi scupava privatamenti nto' pizzuddu di strata chi lu ntirissava...ma iò ci fici a croticafia, picchì così ci fazzu pigghiari u primu premiu
DON BABA' = Giufà, u primu premiu? E di chi?
GIUFA' = U primu premio d'un concorsu a favuri da nizziativa privata... U sapiti com'è, ora tuttu s'ava a fari pi nizziativa privata. Puru l'acqua....
DON BABA' = Addirittura? Non cridu chi sta sindica a penza così...Non ci cridu.
Nessun commento:
Posta un commento