mercoledì 24 agosto 2011

GIUFA', DON BABA' E INTERNET


GIUFA' = Don Babà, sapiti chi sugnu gnuranti e pi chistu m'aviti a scusari si vi dumandu di spiecarmi una di tanti cosi chi non sacciu.
DON BABA' = Dimmi, Giufà: si è na cosa chi sacciu, ti vegnu ncontru.
GIUFA' = Mi vuliti diri chi voli diri F.B.?
DON BABA' = EFFEBI, io penzu chi è na sicla miricana chi significa ufficio federale, comu per esempiu FBI, che è un ufficiu fidirali d'investicazioni, chidda chi si viti sempri 'nto cinima.
GIUFA'= Cumpari don Babà, mi pari chi stati parrandu troppo difficili: a mia mi dissiru inveci che F.B. voli diri fessbbùc, ma chi voli diri stu fessbbùc non mi l'annu dittu.
DON BABA' = Ah, Giufà, ci semu, chistu è ngrisi, si dici feissbuc, ma è scrittu di 'nautru modu.
GIUFA' = Ma chi è, si po' sapiri, non m'interessa comu si dici, ma comu si faci.
DON BABA' = Comu si faci a ntrasiri? E chinni sacciu. Sacciu sulu chi ava a essiri facili...
GIUFA' = Sì, sì! Ava a essiri facilissimu... U sapiti chi mi dissiru?
DON BABA' = Chi mi cunti ora!
GIUFA' = Vu dicu 'nta na ricchi: mi dissiru chi ponnu ntrasiri masculi e fimmini.
DON BABA' = Beh, e pi cchistu mu dici 'nta ricchi?
G IUFA' = Sì, picchì c'è di cchiù: ntrasendu ci sunnu pissuni chi non diciunu chiddu chi sunnu veramenti: sunnu masculi viraci e si presentunu cu nomi di fimmini o......
DON BABA'= Giufà, chi sta dicendu, ma sempri u stissu sì, lassamu andari, và!
GIUFA' = Sì, lassamu stari, ch'è megghiu. Iò di sti cosi non capisciu nenti.

Nessun commento:

Informazioni personali

La mia foto
barcellona pg, messina, Italy
Questo blog non va considerato testata giornalistica: poichè i suoi post non vengono aggiornati con cadenza periodica e preordinata, non può costituire prodotto editoriale, ai sensi della legge n.62 del 7.3.2001. L'autore si dichiara non responsabile per i commenti ai vari post. Eventuali commenti dei lettori, lesivi dell'immagine o dell'onorabilità di persone terze non vanno addebitati all'autore, neppure quando vengono formulati da anonimi o criptati. Le immagini pubblicate, quando non sono di proprietà dell'autore, sono procurate con licenza di pubblico dominio o prese liberamente dalla rete. Nell’eventualità che qualcuna violasse i diritti di produzione, si pregano gli interessati di darne comunicazione a questo blog perché si provveda prontamente alla cancellazione.