domenica 27 aprile 2008

VECCHI RICORDI D'AMURI


Giufà:- Don Babà, vu ricuddati a Carlu Crocculu?

Don Babà:- Cu, l’attori chi facia un suddatu loccu?

Giufà:- Na vota, quand’era cchiù carusu, nto cinima. Ma travagghiò puru cu Totò ..

Don Babà:- Sì. Sì. Tu parri di chiddu chi fa u piscatori Totonnu nta telenovella di Capri. E allura?

Giufà:- Allura, vi vulia diri chi, proprio nta sti iorna, stu cristianu sta nnarbandu i giurnali cuntandu chi ebbi na rilazzioni d’amuri addirittura cu n’attrici a cchiu bedda du nundu. Cu Marilina, chidda bionda, miricana.

Don Babà:- Cu? chiddu e a mitica Marilina Morrò? Ma cu ti cunta sti bazzelletti?

Giufà:- Vi giuru chi non è na fissarla. E gossippi beddu e bbonu. Figurativi chi ciù cuntò iddu stissu a na giornalista e idda u scrissi nta na rivista chi si chiama, si chiama … ah, sorrisi e canzoni.

Don Babà:- E com’è sta storia!?

Giufà:- Crocculu, chi ora iavi 81 anni, tant’anni fa, quandu facia u cinima cu Totò, cercò di sfundari a Ollivud e andò in America. Duranti na festa i ballu fici cunuscenza cu Marilina. E praticandula s’innamurò. Idda ci stesi, picchi si sintia così scuraggiata e dipressa chi gradiu a vicinanza di ddu napulitanu simpaticu e senzibili. Così stettiru nsemi pi tri misi. Iddu pigghiò na cotta tremenda:

Don Babà:- Ma Marilina non avia passati diversi mariti?

Giufà:- Eh, sì, e l’aviunu trattatu malissimu, ammenu così dici Crocculu. E iddu, siccomu vidia chi Marilina bivìa troppu e pigghiava puru tranquillanti, pinzava chi ca forza du sò amuri riniscia a falla nesciri di dda brutta situazioni.

Don Babà:- E non ci rinisciu, nevveru?

Giufà:- No! Non ci rinisciu. E scuraggiatu tagghiò a codda.

Don Babà:- Ma cù: iddu o idda? E tutta sta storia a sta niscendu ora, chi avi ottantunanni. Ma a putia lassari mpaci, dopu tant’anni, povira carusa!

Nessun commento:

Informazioni personali

La mia foto
barcellona pg, messina, Italy
Questo blog non va considerato testata giornalistica: poichè i suoi post non vengono aggiornati con cadenza periodica e preordinata, non può costituire prodotto editoriale, ai sensi della legge n.62 del 7.3.2001. L'autore si dichiara non responsabile per i commenti ai vari post. Eventuali commenti dei lettori, lesivi dell'immagine o dell'onorabilità di persone terze non vanno addebitati all'autore, neppure quando vengono formulati da anonimi o criptati. Le immagini pubblicate, quando non sono di proprietà dell'autore, sono procurate con licenza di pubblico dominio o prese liberamente dalla rete. Nell’eventualità che qualcuna violasse i diritti di produzione, si pregano gli interessati di darne comunicazione a questo blog perché si provveda prontamente alla cancellazione.